Bjelaruskaja mova

Belarusian

Listen to this translation (with native pronunciation):

[Download mp3]

Translation: Styxija

Location: Minsk (Belarus)

Narration: Nataly Balamut (Наталля Баламут), Grodno (Belarus)

Language information: [Click]

[Taraškievica] [Narkamauka] [Roman Script]  

Валавока

Сям’я Валавокі жыла ў гаражы. Аднойчы бацька й маці паляцелі па ежу для птушанятаў, пакінуўшы малых зусім адных у гнязьдзе.

Празь некаторы час Валавока-бацька вярнуўся дадому.

“Што тут здарылася? — ускрыкнуў ён. — Хто вас пакрыўдзіў? Бачу, вы дужа напужаліся!”

“Ах, тата, — запішчэлі яны, — сюды прыходзіла вялізная пачвара. Яна была такая пагрозьлівая й жудасная! Стаяла й глядзела сваімі велічэзнымі вачыма ў нашае гняздо. Празь яго мы так моцна перапалохаліся”.

“Вось як, — сказаў бацька. — І куды ж яно скіравалася?”

“Ды вось жа, — адказалі яны, — яно схавалася вунь там”.

“Сядзеце тут, дзеці, — сказаў бацька. — Зараз я яго знайду. Не хвалюйцеся, яно ў мяне атрымае!” І з гэтымі словамі ён паляцеў.

	Click to help! · Bosanski, Босански? · Hrvatski? · Językŭ slověnĭskŭ? · Kaszëbsczi, Pòmòrsczi? · Македонски? · Русиньскый? · Slovenščina? · Serbšćina? · Трасянка?
	Щелкните, чтобы помочь! · Язык Российской Федерации?

Абагнуўшы паварот, ён пабачыў ільва, які гуляў сабе нетаропка.

Валавока не збаяўся. Ён сьпікіраваў ільву проста на сьпіну й пачаў крычэць: “Што ты рабіў у мяне дома? І навошта напалохаў маіх малых?”

Леў, не зьвяртаючы ніякай увагі, ішоў далей.

Гэта яшчэ больш раззлавала дзёрзкага крыкуна.

“Табе там няма чаго рабіць! А калі прыйдзеш зноў, табе не паздаровіцца”, — прыгразіў ён. “Я б не хацеў гэтага рабіць, — працягваў Валавока, прыпадымаючы лапку, — але адным ударам я магу пераламаць табе хрыбет!”

І пасьля гэтага бацька паляцеў назад у гняздо.

“Ну што ж, дзеці, — прамовіў ён. — Страшыдла атрымала ў мяне добрую навуку. Яно больш ніколі сюды ня вернецца”.