Etrerannyezhel (KLT)

Breton
Interdialectal (KLT)

Could this be you? Click to help!

Listen?

Translation: Rachel Bonneau

Location: Dourdan/Dourdain, Breizh/Bretagne/Brittany (Bro-c’hall/France)

Facilitation: Mike Szelog

Language information: [Click]

[Inguiniel Gwenedeg] [Kerneveg] [KLT]  

Al laouenan

Un tad laouenan en doa savet e neizh en ur c’hraoù. Bevañ a rae ennañ gant e familh. Un deiz ez eas kuit gant e barez da glask boued evit paskañ o floged. Leuskel a rejont o re vihan o-unan.

Goude ur prantad e tistroas an tad laouenan d’ar gêr.

« Petra zo bet amañ ? a c’houlennas. c’hoarvezet eo bet un dra bennak ? Tres zo warnoc’h da vezañ spontet ! »

« Tadig ! » emezo, « un euzhvil bras zo bet. Na spontus e tiskoueze bezañ ! Bet eo o sellet en hor neizh gant e zaoulagad bras ! Spontus e oa ! »

« Gwelet a ran, » emezañ, « da belec ’h eo aet ? »

« Aet eo dre amañ ! »

« Gortozit ac’hanon amañ, bugale », eme an tad laouenan, « emaon o vont da reiñ dezhañ ur gentel na zisoñjo ket a-raok pell ! Na rit ket bil, pakout a raio diganin. » Mont a reas neuze war-lerc’h an euzhvil.

Goude ar c’hentañ korntro e welas ul leon o kerzhout. Ne voe ket spontet al laouenan avat. En em bozañ a reas tre war gein al leon hag e krogas da huchal warnañ. « Evit piv en em lakait-c’hwi hag a zeu d’am neizh evit spontañ va bugale? »

Click to help! Chlecia at chyfnertha! · More Celtic? · Irish English? · Welsh English?

Al leon ne selaouas ket anezhañ avat, ne reas netra nemet derc’hel da vont.

Gwashaet e voe imor al laouenan gant se hag e krogas da huchal a-bouez-penn war al leon. « N’ho peus abeg ebet da zont betek va neizh, ha ma rit ur wezh all e plantin keuz ennoc’h da vat ! » emezañ. « Ne blij ket din bezañ feuls, emezañ c’hoazh en ur sevel ur pav, met terriñ a rin ho livenn-gein deoc’h ken prim hag ul luc’hedenn ! »

Ur wezh m’en doe lavaret an dra-se e tistroas d’e neizh.

« N’ho peus ket d’en em chalañ ken, bugale », emezañ, « roet ’m eus e begement dezhañ. Ne zeuio ket ken. »