Western Flemish
Variety of Nieuwpoort, near Oostende, Belgium

Listen to this version narrated with native pronunciation:

[Download mp3]

Translation& Narration: Rose Leroy-Delahaye

Location: New York City (USA) and Nieuwpoort, West-Vlaanderen (Belgium)

Language information: [Click]

’t Wienterkeunienksje

’t Wienterkeunienksje aa se’ nest in de karresjcheure. Up e’ ki’ woaren d’oeders olletwêê uutgevlooh’ⁿ – ze wild’n e’ bitsje eet’n hon aal’ⁿ voer under joenksjes – eⁿ ze liejet’ⁿ de klintsjes hêêl ollêên’ agter.

Achter e’ tietsje komt voader wienterkeunienksje were tuus.

“Wienn’ is-t-er ieër hebeurd?” zeht’n. “Wiejeⁿ et der junder utwa’ a’ⁿhedoaⁿ, joengetsjes? Je zie junder hêêlehaⁿ je kluts kwiet!”

“Mo’, voader,” zehh’ⁿ ze, “’t kwaam iejer zjuuste e’ zoew e’ hrote lillekoard verbie. Ne’ zaah-t-er zo’ kwoad eⁿ benauwelik uut! Ne’ kêêk me’ se’ hrote ooh’ⁿ in uus nest. Dad ed uus zo’ benauwd hemakt.”

“Aaⁿ,” zeht de voader, “en woar is-t-’n nu?”

“Tsja,” zehheⁿ ze, “n’is o’ hunter hehoa’ⁿ.”

“Wagt mo’,” zeht de voader, “kgon der agter. Stille, mo’ joengetsjes! ’K gon ’um we’ krieheⁿ.”

Toene vliejeht’ⁿ d’er agter.

Ost’n agter ’t oek’sje komt, lopt de lêêuw doa.

Mo’ ’t wienterkeunienksje is nie benauwd. Ne landt up de lêêuw se’ rik eⁿ ne’ behunt te sjcheld’ⁿ teehⁿ um. “Wien’ ’e’ je hie bie mien uus verloor’ⁿ," zeht’n, “eⁿ mieⁿ joengetsjes benauwd maak’ⁿ?!”

De lêêuw trekter um niejet’ⁿ van an en ne lopt heweune deure.

Toene makt da’ klêêⁿ pernukkeltsje um noh vele dulder. “J’e’ gie doa hiⁿ zaak’ⁿs, zehheⁿ ’k je! En o’ je noh e’ kè were kêêrt,” zeht’ⁿ, “hoaⁿ me’ wel e’ kè ziejeⁿ! ’k Doewen’t nie he-er’n,” zeht’ⁿ, eⁿ n’eft z’n êêne potsj’ up, “mo’ ’k stampⁿ zo je rik iⁿ!”

En toene vliejegtⁿ were no’ ze’ nest.

“Va’ la’, sè, joengetsjes," zeht’ⁿ, “d’n deen’n is da’ wel ofgelêêrd. D’n deen’n hoⁿ me’ nooit mè were zieëⁿ.”