Cornish

Listen to this translation narrated with hypothetical pronunciation:

[Download mp3]

Translation and Narration: Daniel Ryan Prohaska

Location: St. Gallen (Switzerland)

Language information: [Click]

[Cornish Orthography] [IPA Phonetic]

An Wrannen

Y’s teva teylu gwran y neyth y’n carjy.

Un jedh an dhew edhen coth neyjyas yn mes—yth esa whans dhedhans a gafus nampyth dhe dhebry rag an flehes, orth aga gasa y aga honen oll.

Wosa polta y tueth tre Tas Gwran.

“Pandr’a wharfa omma?” yn medh ef. “Pyw a’gas pystygas why, a flehes? Own bras a vue gorrys ynnough why oll!”

“Ogh, a Das!” yn medhons y, “bucka bras a dhueth dhyn ny namnygen. Mar hager hag uthek o golok anodho! Ef a veras stark war agan neyth ny gans y dhewlagas bras! Henna a wrug agan ownekhe kemmys!”

“Oyeth sy!” yn medh an Tas Gwran, “ple whruga va mos?”

“Well,” yn medhons y, “ef eth tro ha’n fordh na.”

“Gorteugh!” yn medh an Tas Gwran, “Me a war y lergh. Na vedheugh annyes, a flehes! Me a’n caf ef!” Kettoth ha’n ger yma va ow neyja war y lergh.

Hag ef ow tos adro dhe’n cornel, ef a welas fatel usy lew ow kerdhes ena.

Saw ny borthas own an wrannen. Ef a wrug tyra war geyn an lew ha dalleth a’y geredhy. “Py negys a’th ues orthys dos dho’m chy vy,” yn medh ef, “ha gorra own y’m flehes?!”

Click to help! Chlecia at chyfnertha! · More Celtic? · Irish English? · Welsh English?

Nyns usy an lew ow cul vry anodho ha pesya kerdhes.

Henna a vue cas dhe’n gwesyk taunt rag y davasa yn harwa kyn fe. “Nyns ues negys genes bos ena, me a laver orthys! Ha mar teffes arta,” yn medh ef, “dar ... te a vyn gweles! Nyns ues whans vyth a’y wul y’n gwyr,” yn medh ef ha drehevel onen a’y ver, “mes yn un decken me a vensa terry dha geyn gans ow ber!”

Gans henna, ef a neyjyas tre dh’y neyth.

“Ot ena, a flehes,” yn medh ef, “hen a vydh lesson dhodho. Ny vyn ef dos tre namoy!”