Groningen Low Saxon

Could this be you? Click to help!

Listen?

Translation: Eltje Doddema

Location: Harkstede, Groningen (the Netherlands)

Transliteration: Reinhard F. Hahn

Language information: [Click]

[Hoogeland dialect]

[Dutch Spelling] [German Spelling] [AS Spelling]

’t Kœdelduumke

’t was ein van de schierste Sümmers sinds Jahren. ’n Stelltje Kœdelduumkes harren hœr Nüst baut in de Wagenschüre stuuf achter de Banderdœre. Op ’n Dag slögen beide Ollen de Flœgels üüt. Se wollen fœr de Jongen wat te bickseln halen en löten darom de Lüttjen heilendal allind achter.

’n Settje later quamm ’t Mannechie weerom. „Wat is hier well neit gebœrt,“ see ’e, „well hetj ju wat andaan, Kinder. Ju binnen ja glatt üüt stüür.“

„Ach, Pabbe,“ seden se, hier quamm nett ’n grode Buusjœde vœrbi. Déj sach der so mies en mall üüt! Déj gloop so maar mit sien grode glenne Ogen in ons Nüst. Daar binnen wi so bange van worden!“

„So,“ see de Vader, „waar is ’e bleven?“

„No,“ seden se, „hei is daarhen gahn.“

„Wacht mor,“ see d’ Olle, „’k gah achter hom an. Still maar, hoor. Ik sall hom well kriegen.“

Hei floog der achter an. Do ’e d’ Hœrn om quamm, lööp daar de Leiwe.

Maar ’t Kœdelduumke was neit bange. Héj streek dele op de Rogge van de Leiwe en begonn op hom te raggen. „Wat hest du bi mien Hüüs te söken,“ see ’e, „en wat mekeiert di well, om mien Kinder so bange te maken?“

De Leiwe trock sok der nix van an en lööp gewohn dœr.

Do wöör ’t lüttje Kœdelduumke noch vergrellter. „Du hest daar nix te söken, segg ik di! En as ’d noch einmaal weerom kommst, dinn sollst eis wat seihn. Ik do ’t neit geern,“ see ’e en toll daarbi sien eine Pode op, „maar dinn trapp ik di so dien Rogge in ’nkander!“

Do floog ’e weerom naar sien Nüst.

„So, Kinder,“ see ’e, „déj hebb ’k good tamteiert. ’k hebb hom ’t even schier oflehrt. Déj kommt noit weerom.“