Reinhard F. Hahn (nu tomehrst „Ron“ nöömt) is ’n boornen un tagenen
Hamborger,
hett in Australien, China un de USA wahnt un is vääl in Eurasien, Australien
un Noordamerika rümmerreist. Upstünds wahnt he an de Westküst vun de Vereenigten
Staaten, tovœr
in Perth un Fremantle, Westaustralien.
Sien Intressen kannst mit een enkelt Woord
upnömen: „Kommunikatschoon“. Daar is allens de Grundlag’ vun, wat mit Spraak
un mit de Kommunikatschoon mank de
Völker to maken hett.
Na ’n Barg Jahrn vun Afrieten in
’t
akadeemsche Flagg is Hahn sien künsterischen Drift wedder na vœr to kamen, un
dat
so üm un bi to
de Tied, as he wedder fünd, wat ’n
good un geern sien „Wotteln“ nömen kann. Un daar was ook sien Vœrvadders ähr
neddersassische (plattdüütsche) Spraak mit bi. De harrn s’ in Noorddüütschland
un in de oosternen Nedderlannen dunn jüst ünner Druck vun de EU offitschell gellen
laten.
Na Hahn sien Dinken is dat ’n egenstännige
Spraak un schull ook so ankäken un bruukt warrn. Un so schrifft he ähr ook geern
un œverdriggt Warken ut annere Spraken
in ähr, un dat ook ut’t Japaansche un Chineessche. Welke Noorddüütsche findt
dat heel snaaksch un gediegen, wiel dat de Spraak up düsse Aard un Wies’ buten
dat lüerlütte Flagg bruukt wardt, dat ähr na Jahrhunnerden vun Ünnerdrücken na
denne Minschen ähr Dinken noch œvrig is.
Frontpage
